ती एक व्यक्ती, जी महिला असते.

(Dedicated to All Women)

स्वतःचा अभ्यास सोडून
जी आपली असाईनमेंट पूर्ण करून देते
ती आपली मैत्रीण, जी महिला असते.

दादाचं अफेयर माहीत असूनही
जी आपल्या वडिलांपासून लपविते
ती आपली बहिण, जी महिला असते.

आई गावाला गेल्यावर
जी आग्रहाने घरी जेवायला बोलविते
ती शेजारची काकू, जी महिला असते.

बाबांनी कुल्फी खायला नकार दिल्यावर
जी स्वतःहुन पैसे देते
ती आपली आजी, जी महिला असते.

स्वतःला भूक लागुनही
जी नवरा येत पर्यंत जेवत नाही
ती आपली बायको, जी महिला असते.

स्वतःउपाशी राहूनही
जी आपल्या तान्ह्याला भरविते
ती आपली आई, जी महिला असते.

आप्तेजणांवर येणाऱ्या संकटाला
जी स्वतः समोर जाते
ती एक व्यक्ती, जी महिला असते.

सारं दुख सोसुनही
जी कुटुंबाला सुखात ठेवते
ती एक व्यक्ती, जी महिला असते.

© अनिकेत भांदककर.
     08-03-2015