अंतरंग

क्षणभर घ्यावा एक विसावा

आपल्या अंतरंगाचा

मोर त्यात दिसावा.

फुलवून पिसारा अंतरंगाचा

प्रेमबंधाचा रंग त्यात भरावा.

स्पर्शिले ज्यांनी अंतरंग आपले

त्यांचा रंग त्यात मिसळावा.

तोडिले ज्यांनी बंध आपले

एक कोपरा त्यांचाही असावा.

जपले ज्यांनी अंतरंग आपले

अंतरंगाचा जीव त्यास म्हणावा.

विविध पैलू अंतरंगाचे

रंगरंगुनी उघडावे दर मनाचे.

मनस्वी पाझरणे प्रत्येक क्षणाचे

काळीज तोडी इवल्याश्या अंतकरणाचे.

तुटल्या अंतकर्णातल्या प्रत्येक तुकड्यात

प्रियजनांचा गंध असावा

त्यात आपल्या अंतरंगाचा मोर दिसावा.